Beibei nata Sisi Phôhpa

Dear Visazy,
He he nama yru daihti liata vaw rei chyu ula, nama pachâna chhao nama vaw palâsa chyu hra awpa ta ei cha hrua ei. Khi khikha liata Satlai pakha Beibei nata Laisa pakha Sisi ama tahpa he y ei ta kyh a pachâ kawpa ama châ. Daihti khacha rakha ma kaw sie haw bâ ta kyh ama pachâna chhao â I via lyma. Ama pamo ta bie ama rei tyhpa cha, “Ei thina taih kyh ei cha pachâ aw, nama deileipa ta ahy hmahta a tyh aw va na” ama tah chyu. Noh nata Daihti vaw sie lyma ta vachhie kawpa ta Beibei deikua khizaw liata daihti hluhpi a y thaipa châ khao vei. Beibei chata la noh a vaw chhipa zydua lohlie vâsahna sai a vaw châ haw
ba. Aparuta ta amothlie apalo laih tyh.
Cha daihti liata Beibei ta Sisi hnohta, “Sisi y, kyhchapachâ kaw nata cha chhai thei thai va na, châhrasala keima cha khizaw liata nama nata lypa ta y lah nawpa daihti a chyh kaw ba na, nama chhao kyh eina pachâ kaw hra chi na, châhrasala na khoh hropa vaw hnei thlah ba mah y” a tah aw ma, a cha vei khiah achho raita chho leita a thi khiah ma apha via aw, Beibei ta Sisi liata kheita e a y/rei aw?
Sisi su liata a pa-ysa la Beibei ta a thi ba awpa he Sisi hnohta a chho khiah ma apha, chho leita ei cha chhai haw na a tah khiah e?
Question he 3 a y.
1. Athi awpa kyh chho leita ma ei cha chhaih haw a tah aw?
2. Achho aw ma?
3. Athi awpa chhao chho hra lei, achhai hra leita ma a thi aw?
(Nama pachâna he chachâh lâ, achô lâ liata CBOX liata vaw roh bei mah y.)