Na ngia tlai na Maraland
By Khaitha(Seihnai)
Thlihua nai zualauh pathlina, ti pasohpa lona, ei viasa uta, khisaw, sanaw rino zy ta chapathlu khai ei sala, ama cha puasai ngala no chhaota keima lâ nama deileipa ta ei kaolah hropa hnei va na. Khipi nata râh rônahpa liata ei y no ta nie nata do pahâh kaw hrasala ei pina râh liata a daihti nata châhta liata ei nie tyhpa kha my thei va na. Ei thi nata sâ heta tlâh râh nata ahmi kathluh haw bata khipipa dao laikawpa liata ama ru kawpazy khata ei paloh na patlâh thei vei. Khati ta ma chô Khazoh kuhria, ei pina Maraland lâ ei kua heih vâ ma, pasaipha laina Maraland.
Khihpa(July) thlah vaw chhâ daihma laih, zâlâ Siku vaw bâh haw nata ochhi kiah liah atyuh nata tlâhzy ei sai ngala nota einô nata paw vaw tlô laih ei. Einô dawkiah vaw chalopa nata ei vaw mo bao cha chhâmi panao a vaw y thlâh haw. Ei ly zie rei thei va na. Yangon lia kô 5 chho, chhâmi panao hluh kaw hrasala chai khoh achhih vei. Aparu ta raithlie paloh laih tyh na.
Hy! Ei pina Maraland, chyhsa hluhpi ta râh hneirohpa nata râh pha viapazy tlaichhaipa ta cha puasai nga kaw hra ei sala, keima deikua la ei paloh tlokhuh ta nama ei cha pie haw, Mara sawzy khati ma lohkipa ta eima charei khoh aw.
Pami, Pachawh thlah vaw châ haw heih, râhto suto liata apaw ngia kawpa ta a pakai ngapa Chiachi, âvyh, Maitô, Hraisi nata Pawchha zy amo nata âma ngiana chyu hawhta cha palypalih ei. Raino zy chhao ao ngia ngasâpa ta nata nai zualuahpa ta hla vaw sa holo ei. He thlu na ngiapa he, ahyzy ma râh chhiepa nata râh chawhpa ama cha vaw tah tyh tlei. Hy! Ei pina Maraland na ngia tlai na, paw ngia tota chato bi, râh sa ao hneipazy ta cha palyupalih ei. Keima la na cho liata na ngiana, na phanazy deileipa ta rei awpa hnei va na.
Hy! Ei pina Maraland, na vaw hâ thlâh mah y, na khaihna noh cha a vaw tlô aw. Khizaw ta a cha pahnona taihta na nohhâh cha tao aw nata, râh hro lâta cha puasai hapa Mara sawzy chhaota he he na eima râh a châ tahpa ta ama cha vaw vâ kawna daihti a vaw y aw.
Thlihua nai zualauh pathlina, ti pasohpa lona, ei viasa uta, khisaw, sanaw rino zy ta chapathlu khai ei sala, ama cha puasai ngala no chhaota keima lâ nama deileipa ta ei kaolah hropa hnei va na. Khipi nata râh rônahpa liata ei y no ta nie nata do pahâh kaw hrasala ei pina râh liata a daihti nata châhta liata ei nie tyhpa kha my thei va na. Ei thi nata sâ heta tlâh râh nata ahmi kathluh haw bata khipipa dao laikawpa liata ama ru kawpazy khata ei paloh na patlâh thei vei. Khati ta ma chô Khazoh kuhria, ei pina Maraland lâ ei kua heih vâ ma, pasaipha laina Maraland.
Khihpa(July) thlah vaw chhâ daihma laih, zâlâ Siku vaw bâh haw nata ochhi kiah liah atyuh nata tlâhzy ei sai ngala nota einô nata paw vaw tlô laih ei. Einô dawkiah vaw chalopa nata ei vaw mo bao cha chhâmi panao a vaw y thlâh haw. Ei ly zie rei thei va na. Yangon lia kô 5 chho, chhâmi panao hluh kaw hrasala chai khoh achhih vei. Aparu ta raithlie paloh laih tyh na.
Hy! Ei pina Maraland, chyhsa hluhpi ta râh hneirohpa nata râh pha viapazy tlaichhaipa ta cha puasai nga kaw hra ei sala, keima deikua la ei paloh tlokhuh ta nama ei cha pie haw, Mara sawzy khati ma lohkipa ta eima charei khoh aw.
Pami, Pachawh thlah vaw châ haw heih, râhto suto liata apaw ngia kawpa ta a pakai ngapa Chiachi, âvyh, Maitô, Hraisi nata Pawchha zy amo nata âma ngiana chyu hawhta cha palypalih ei. Raino zy chhao ao ngia ngasâpa ta nata nai zualuahpa ta hla vaw sa holo ei. He thlu na ngiapa he, ahyzy ma râh chhiepa nata râh chawhpa ama cha vaw tah tyh tlei. Hy! Ei pina Maraland na ngia tlai na, paw ngia tota chato bi, râh sa ao hneipazy ta cha palyupalih ei. Keima la na cho liata na ngiana, na phanazy deileipa ta rei awpa hnei va na.
Hy! Ei pina Maraland, na vaw hâ thlâh mah y, na khaihna noh cha a vaw tlô aw. Khizaw ta a cha pahnona taihta na nohhâh cha tao aw nata, râh hro lâta cha puasai hapa Mara sawzy chhaota he he na eima râh a châ tahpa ta ama cha vaw vâ kawna daihti a vaw y aw.
No comments:
Post a Comment