October 01, 2010

Mara Website tlyna

Maraland.Net Website na tly khoh khiahcha he liata hmi teh.

Maraland.Org Website na tly khoh khiahcha he liata hmi teh.

April 27, 2010

Ei cha ly kaw, na vaw cha rei heih mah y !!

MCF,New Delhi Chairman ST. John Beingachhi arohnah kawpa ta B.D(Degree) ala

New Delhi Pachawh 25, 2010: MCF New Delhi Chairman hmiatuachaipa ST.John Beingachhi cha Dt. 27 Feb, 2010 liana khata Emmanuel Theological Seminary, Kota, Rajasthan tawhta hlaotloh kawpa ta nata aly kawpa ta Bachelor of Divinity a vaw patlo thei vata New Delhi MCF zy ta ama ly hmeiseih. MCF sahlaozy ta a graduate-na daihti liata ahlao khoh kaw sai hra ei sala, Delhi lia a châ khao leipa vata MCF sahlao zydua vyuypa ta Ch.Laitha dei â hlao thei.

ECM Moderator New Delhi MCF a vaih

New Delhi: Pachawh 18,2010
ECM nata MEC tawhta pachhuahpanohpa Rev.S.T. Zawsi (Moderator of Mara Evangelical Church of Maraland) cha New Delhi liata a ypa Mara sawzy (Mara Christian Fellowship, New Delhi) vai awpa ta Pachawh 16, 2010 liana kha ta New Delhi MCF sahlaozy nata aly kawpa hmia ama hmô haw. A zasie laihna liata a za chapiapa Kolkata MCF, Chennai MCF nata Bangalore MCF zy lia chhao thlahchhâna nata ahmo pakhyna a hneipâ laih hra.

Noh, Thla nata Nawhbaw reizie

Atahma thyutlia sawzy pita Noh, Thla nata Nawhbaw zy eima reih ta reih thai khao ma pi. Ngiachhie ei tah kaw.
Hâta Kha liata noh a ypa mohzy:
Hriatuanoh (Monday)
Hriaheihnoh (Tuesday)
Pakhynoh (Wednesday)
Pohbiehnoh (Thursday)
Chutyhnoh (Friday)
Pachynoh (Saturday)
Abeipanoh (Sunday)
Kô kha chhôh thla a ypa mohzy:
Nawh (January)
Hmypi (February)
Pamih (March)
Pachawh (April)
Patô (May)
Chhiepa (June)
Khihpa (July)
Thlazoh (August)
Thlarâh (September)
Phiata (October)
Phiapi (November)
Di (December)
Nawhbaw
1 (kha); miakha, sâkha
10 (sy); sykha
100 (za); zakha
1,000 (sâh); sâhkha
10,000 (thy); thykha
100,000 (thysy); thysykha
1,000,000 (thyza); thyzakha
10,000,000 (thysâh); thysâhkha
100,000,000 (thythy); thythykha; maokha
1,000,000,000 (thythysy)
10,000,000,000 (thythyza)
100,000,000,000 (thythysâh)
1,000,000,000,000 (thythythy)

MSA nata MSO atyhna

Bie pathlupazy

1. Marapazy eima pokha via nawpa pachâpa ta,eima py moh he sakha ta taothei ei si la tahpa khona kyh reipa châta,Mara Students' Union tahpa tlyma,Mara Students' Association tahpa tlyma,Mara Students'Ognisation tahpa tlyma thla awpa he Marapazy eima pokha via nawpa a châ khiahta cha Joint Meeting he ta pei tahna rai hnei leipa ta,anodeikua cha MSO he India dahbu liata kho/register hapa a châpa vata moh thla awpa chochah liata rairuna thata a y awpa a chapa vata MSA he register mah leipa a châpa vata,MSO lâ ta thla awpa ta MSA G/C ryureina liata tlôkhei awpa ta pathlupa a châ.He liata MSO delegate-zy chhao a hlao thei hra ei sala tahpa ta reipa a châ hra.

2. Global Festival hnei awpa ta khona kyh reipa châta,lorao kawpa ta hnei awpa ta pathlupa a châ.Magazine kheihawpa eima papua rai he Copy 20 hlata a chyh via leipa ta a paphao tyh awpa ta reipa a châ hra.

3. Khizaw Mara achu haipazy eima pokha via nawpa ta World Mara Students Organization padua awpa chochah reipa châta,eima pokha via nawpa pachâpa ta,MSO nata MSA heta Web-Site pahypa châsala tapa ta pathlua a châ.

4. Burma Mara tahpa nata India Mara tahpa Nochhi Mara tah awpa nata Notla Mara tah awpa ta khona kyh reipa châta,lohrao kawpa ta hma awpa ta pathluapa a châ.He he News Paper liata tlyma,Circulation ta tlyma etc.ta MSA nata MSO ta phualuah awpa ta pathlupa a châ.

5. Eima conference liata delegate eima tua tyhpa a tua pazao lyma awpa ta khona kyh reipa châta a tua pazao lyma awpa ta pathlupa a châ.

Sd/- Sd/-

(TA.BEIHNIA ) (K.MACHHUA)

Chairman Minute secretary

MSA& MSO Joint Meeting MSA & MSO Joint Meeting

For My People

Pages