Marapa nata Refugee

Refugee nata a zaopa ta keima pakha pachâna achyhta ei vaw palâsa hra. Keima pahnona dâhta cha Refugee tahpa he Politics, zyna, chariah a dyuna, runahna, chakâhna vâta tlyma a khoh thai leina chôta a pina râh a puasaipa/ a siesaipa tahpa a châ. Chakhiahcha nama zaw he liata na hlao ma? Khazohpa Biehrai lâ tawhta eima mo tita Marasaw Refugee zydua a hohpa eima hluh via sylyu. Refugee he aphana kao hluhpi y ta, a pha leina chhao a y hra tahpa he keima ei pyna a châ. Refugee ta a siepa nata achuna ta a siepa he lyu ngyu vei ei tah. 


Eima zydua ta Refugee ta râhhro lâ sie khai awpa deikua apha rai rai tah thei va na.Pakhona ta eima râh liata Satlia nata Laisa ngachhih viapa zydua râhhro lâ eima sie khai tita a hy e khih liata a y ba aw? Chhaikha cha he hawhta eina chhy ei “Na khih cha ma na ngabah kaw, khapa hma a y leipa he” âdo kaw, châhrasala “pina râh tawhta apha viapa y vei” tahpa bie chhao a y hra. Marasaw a thaisoh viapa nata ngachhih viapa zydua pina Mara râh eima puasai khai tita eima khihtlah liata Private Siku liata pachatuh awpa chhao y khao veih ei. Sawkha pachutuhpa saita a daih thai vei tahpa cha pahno khaipa a châ. Chhie noh, pha noh chhao chyhsa y khao veih ei.Chin State liata Chin chyhsa eima chyh via lyma.Hmialâ kô 10 lia cha Viah(Burmese) nawh ta ama bi ba aw. Achhyna/zyna chhao Buddhism lâta a lie lyma. 2010 General Election liata Marapa ta khapa ma eima tao aw tah pita eima rei haithaipa chhao he hawkho lâ tawhta reipa a châ tita ahlao tloh thei tu vei. Râh chhoh liata chyhsa a thai sohpa eima chyh tu haw ba. Third Country eima tlô nata eima râh duahmo mypa ta bie eima rei chakhy tupa chhao aphapa ta pahno va na. Aphana kao lâ tawhta reipa châ mawhsala 1.Refugee ta râhhro lâ eima sie/pua thei lyma vâta chhokha sanawrinô eima moho thei; 2. Chhokha zy University/College eima pakiasa thei;

Refugee ta râhhro lâ siepa he aphapa ta pahno nata châsala chhokha liata patho y ei sala pano zy he ama siepa a châ khiah apha aw ei tah. Chaleipa chhaota Châ chhao a chu khao tloh lei, khapa hmahta a taopa y tloh leipa zy he cha a sie khoh leipa chhao hmahta pasiesa awpa apha ei tah. Chata châ leipa ta Siku akiah haipa tlai ta lahpi châta eima awpa he cha apha rai tah thei va na. He he Refugee hri-iah a châpa ta ei pahno. Notla Mara (India Mara) nawh hmata râh pha kawpa liata ama ypa ta Refugee ta a tao eita ama sie ngalapa ta keimo Nochhi Marasaw SPDC ryureina chhie kawpa liata a ypa chhochhi pi cha sie via lyma awpa a châ. Châvata Refugee tahpa Word he achhie kawpa châ leipa ta na khih liata na ryhpao lei vâta khi hro lâ na pasiepa chhao kha Refugee pyly na châ tah theipa a châ.