MCF,New Delhi Chairman ST. John Beingachhi arohnah kawpa ta B.D(Degree) ala

New Delhi Pachawh 25, 2010: MCF New Delhi Chairman hmiatuachaipa ST.John Beingachhi cha Dt. 27 Feb, 2010 liana khata Emmanuel Theological Seminary, Kota, Rajasthan tawhta hlaotloh kawpa ta nata aly kawpa ta Bachelor of Divinity a vaw patlo thei vata New Delhi MCF zy ta ama ly hmeiseih. MCF sahlaozy ta a graduate-na daihti liata ahlao khoh kaw sai hra ei sala, Delhi lia a châ khao leipa vata MCF sahlao zydua vyuypa ta Ch.Laitha dei â hlao thei.

( ST.John Beingachhi Certificate chhaota)

(President Samuel Thomas, ST.John B.D Degree a pie ngala)

ST.John Beingachhi thatih chyupa: Ano he Zyhno(Zawngling) khihpa châta Puhpa ST. Jubilee nata Pihno C. Akhai zy saw papalina a châ. Achuna lâchhah ta Zyhno Govt. High School tawhta class VIII apatlo. Ano he ahawtita tawhta Cowboy life apahasapa châta, chyhsa zy ama kao thai kawpa a châ. Mizo National Army liata châhkha vaw hria khai tawhta Myanmar Chyhsa a châlei tarawpa ta CNF lia chhao 14 a vaw hria hawpa a châ. Ko 2002 liana khata akyhpachâpa apaw cha Khazohpa lâta vaw siesai hawta, ano chhao CNF tawhta a vaw ba haw. Ko 2006 tawhna khata Biehrai(Bible) achu khoh pasana vaw hnei ta, anawta ST. Hlopi(Lalrema) baona zawzi vâta Bible achu pathao awpa ta New Delhi a pangai. Khazohpa ta achhah achâ lyma ta ko 2008 lia kha NITS tawhta B.Th a vaw patlo haw.

( President Samuel Thomas nata ST.John Graduate lahpazy)

New Delhi lia a y chhohta ZZLMS(Five Star Family) liata Advisor ta Term 2 chakao ta, MCF New Delhi a dua thei nawpa ta apatopatia chaipa liata nopaw pakha a châ hra.

(Graduate Ceremony ama hma ngala nopa a châ)

Emmanuel Theological Seminary(ETS) thatih chyupa: ETS he M.A.Thomas ta paduapa châta, Mission for Christ tahpa bie ama siekhei chai. M.A.Thomas he Kerala chyhsapa châta USA liata khih a sapa a châ. Ano he a machâ tu haw ba vâta a sawchapaw Samuel Thomas ta apaw Incharge ala. Secular, Theology nata Orphanage chhaota ama pakaopa hra. He Theological Seminary tawhta Elaisa (atahma USA) nata ST.John ngala dei he Degree miah a vaw lapa thei chypa ama châ.

(Viasa avaw lykheipazy, ST. John nata Ch.Laitha zy ta ama ly hmeiseih)

ST. John Beingachhi he atahma taihta New Delhi MCF Chairman a siekhei ngalapa a châ. A no lâta alyna bie ahla khohpa nata bie achho khohpazy cha Mb. +9971347750 liata a chho theipa a châ.
E-mail: johnpangy@yahoo.com