PB Excursion

Marapa nata Refugee

Refugee nata a zaopa ta keima pakha pachâna achyhta ei vaw palâsa hra. Keima pahnona dâhta cha Refugee tahpa he Politics, zyna, chariah a dyuna, runahna, chakâhna vâta tlyma a khoh thai leina chôta a pina râh a puasaipa/ a siesaipa tahpa a châ. Chakhiahcha nama zaw he liata na hlao ma? Khazohpa Biehrai lâ tawhta eima mo tita Marasaw Refugee zydua a hohpa eima hluh via sylyu. Refugee he aphana kao hluhpi y ta, a pha leina chhao a y hra tahpa he keima ei pyna a châ. Refugee ta a siepa nata achuna ta a siepa he lyu ngyu vei ei tah. 

Na ngia tlai na Maraland

Na ngia tlai na Maraland

By Khaitha(Seihnai)

Thlihua nai zualauh pathlina, ti pasohpa lona, ei viasa uta, khisaw, sanaw rino zy ta chapathlu khai ei sala, ama cha puasai ngala no chhaota keima lâ nama deileipa ta ei kaolah hropa hnei va na. Khipi nata râh rônahpa liata ei y no ta nie nata do pahâh kaw hrasala ei pina râh liata a daihti nata châhta liata ei nie tyhpa kha my thei va na. Ei thi nata sâ heta tlâh râh nata ahmi kathluh haw bata khipipa dao laikawpa liata ama ru kawpazy khata ei paloh na patlâh thei vei. Khati ta ma chô Khazoh kuhria, ei pina Maraland lâ ei kua heih vâ ma, pasaipha laina Maraland.

My Photo Album

Chin National Day liata MSA tawhta Odoh la eima la hra.

Beibei nata Sisi Phôhpa

Dear Visazy,
He he nama yru daihti liata vaw rei chyu ula, nama pachâna chhao nama vaw palâsa chyu hra awpa ta ei cha hrua ei. Khi khikha liata Satlai pakha Beibei nata Laisa pakha Sisi ama tahpa he y ei ta kyh a pachâ kawpa ama châ. Daihti khacha rakha ma kaw sie haw bâ ta kyh ama pachâna chhao â I via lyma. Ama pamo ta bie ama rei tyhpa cha, “Ei thina taih kyh ei cha pachâ aw, nama deileipa ta ahy hmahta a tyh aw va na” ama tah chyu. Noh nata Daihti vaw sie lyma ta vachhie kawpa ta Beibei deikua khizaw liata daihti hluhpi a y thaipa châ khao vei. Beibei chata la noh a vaw chhipa zydua lohlie vâsahna sai a vaw châ haw

My Home Village